Бұл жоба этникалық қазақтардың тарихи отанына қоныс аударумен, қиын-қыстау кезеңде елімізден көшіп кеткен отандастарымыздың ТМД және алыс шетелдерден оралуына байланысты барлық проблемаларды кешенді шешуге мүмкіндік береді.



«Нұрлы көш» бағдарламасы елдің даму стратегиясын ескере отырып 60 мың оралманды Қазақстанның облыстарына жайғастыруды қарастырады. Оралмандар жұмыспен және баспанамен, ал олардың балалары балабақшамен және мектеппен қамтылады. Баспана салу үшін оралмандар жылдық 5 пайыздық үстемемен 15 жылға несие ала алады. Алғашқы жарна пәтер немесе үй құнының 5 пайызы деңгейінде белгіленген.



Павлодардың іргесінде орналасқан Ленинский кентіндегі жер телімі оралмандар үшін 2,5 мыңдай баспана салуға ыңғайлы жер деп санайды министр. «Мұнда инфрақұрылымға қажеттінің бәрі – көлік магистралі де, электр желісі де және су көзі де бар», дейді Б. Сапарбаев.

ҚазАқпарат

http://inform.kz/showarticle3.php?lang=kaz&id=215945