Кеңестің құрамында ҚР Президенті Әкімшілігі басшысының орынбасары Мәулен Әшімбаев, Мәдениет және ақпарат министрі Мұхтар Құл-Мұхаммед, сондай-ақ Төлен Әбдік, Мұрат Әуезов, Герольд Бельгер, Әбіш Кекілбаев, Мұхтар Шаханов сынды жазушылар мен қоғам қайраткерлері бар. Отырысқа аталған қордың директоры, Президент Әкімшілігінің бөлім жетекшісінің орыбасары Берік Әбдіғалиев қатысты.



«Мемлекеттік тілде әркім өз ойын еркін айта алатындай дәрежеге жетуіміз керек. Қазақ тілі ортақ қарым-қатынас тілі ретінде орнығуы қажет. Ол үшін алдымен өзіміздің көзқарасымызды өзгерту шарт. Бізде әдістемелік құралдар, таңдамалы оқыту бағдарламалары мен мұғалімдер бар, бірақ тілді қажетсінбейміз», деді Б. Әбдіғалиев.



Қор қызметі мемлекеттік тілді үйренем деушілерді ынталандыру жобаларын іске асыруға, тілдің қолданыс аясын кеңейтуге бағытталмақ. Тағы бір бағыты - мемлекеттік тілде шығатын БАҚ-ты дамытуға, сондай-ақ атамекеніне оралған отандастарға, шет елдердегі қазақ диаспорасына тілдік-рухани, тарихи-танымдық әдебиеттер мен басылымдарды тарату.

http://inform.kz/showarticle3.php?lang=kaz&id=211684

20:00, 3 қыркүйек 2008

Мақсат мемлекеттік тілдің халық арасындағы беделін арттыру

Бүгін Мемлекеттік хатшы Қанат Саудабаевтың төрағалық етуімен қазақ тілін дамытуға арналған президенттік қордың алғашқы отырысы өтті.

Осыдан бір ай бұрын құрылған қордың басты мақсаты мемлекеттік тілдің халық арасындағы беделін арттырып, қолданыс аясын кеңейту. Сонымен қатар, шет елдердегі қазақтар мен атамекеніне оралған отандастарымызға тілдік-рухани көмек көрсетуді де жоспарлап отырмыз, дейді ұйымдастырушылар. Президенттік қор мемлекет есебінен қаржыландырылмайды. Демеушілік, қайырымдылық қолдаудан түскен қаражатпен жұмыс істейді. Қордың алғашқы отырысына жиылған тіл жанашырлары алдағы уақытта атқарылуы тиіс іс-шаралар мен басым бағыттарды белгілеп, ұсыныстарын жеткізді.

Мұхтар Құл-Мұхаммед, ҚР Мәдениет және ақпарат министрі

Егер конституцияда қазақ тілі мемлекеттік тіл деп жазылса, сол мемлекеттік тілді білуге норматив қою неге конституцияға қарсы болуы керек. Ресейде екі жыл уақыт беріледі Ресей азаматтығын алу үшін орыс тілін үйренуге. Германияға барғанда да солай, Израильге келсеңіз де сондай талап бар. Оның бәрі халықаралық құқықтың талабына сәйкес келеді екен де, біз сондай талап қойған кезде ол халықаралық құқықтың талабына, адамның конституциялық құқығына қарсы болады деген меніңще, қате пікір.

Берік Әбдіғалиев, Мемлекеттік тілді дамытуға арналған президенттік қордың директоры

Біз тілге байланысты көптеген жобаларды қолдауға, ынталандыруға гранттар, конкурстар, байқаулар ұйымдастырамыз, акциялар өткіземіз. Тіл комитеті үкіметтегі тіл институттарының жұмыстарын қайталамай, қоғамның жалпы жұртшылықпен ең басты жұмыс солармен жүргіземіз.

Айдос Әшімұлы

Қазақстан телеарнасы.

http://kazakstan.kz/kaz/news/society/2008_09_03_20_00_00